முழம்போட்டும்

அளக்கமுடியவில்லை

பூவின் அழகு !

--- ஏம்பல் ராஜா

குழப்பம் அழகு !
நீ போட்டப்
பின்னல் கோலம் !

உலகமயமாக்கலால் ஜனவரி ஒன்று
முதலமைச்சருக்காக தை ஒன்று
பாரம்பரியமாய் சித்திரை ஒன்று
மூன்று முறை புத்தாண்டு கொண்டாடும்
முட்டாள்கள் நாங்கள் !

மங்களகரமான துவக்கம்
பிள்ளையார் சுழியுடன்
மரண வாக்குமூலம்

ரகசியம்

அடைமழையோ சாரலோ
தெரிந்திருந்தும் சொல்வதில் லை
முதல்த்துளி !

என்னைப் போல் ஒருவன்

டாடி மம்மினு மழலை சொன்னா சுந்தர

டமிலன் அடையுறான் பெருமை !

கோடி கோடியா கொழிச்ச கேடி கும்பிட்டா

ஓட்டு போடுறான் எருமை !

என்னைப் பார்த்ததும்

தலையைக் குனிந்து நீ

விழிகளால் நிமிர்கிறாய் - உன்

நெற்றியில் பூக்கிறது ஹைகூ !

பால்வெளித் திரளில்

மழைநீர் விழுந்த
மண்ணின் குழிவாய்
அழகாய் இருக்கிறது
நீ பேசிச் சென்றபின்
என் மனப்பரப்பு !

அவசர அவசரமாய்
அள்ளி வீசப்படும்
எலும்புத் துண்டுகளுக்காய்
எச்சில் ஒழுகும்வரை
நாய்களே ...!
உங்களுக்குத் தெருவே கதி !

பூ அழகு !
பூவைவிடவும் பூவை அழகு!
அடி பூவை!
நீ பூ வை !
அழகோ அழகு!

தன் கணவர் உயிர்முன்
தமிழர் உயிரெல்லாம் ம..!
ஆம் !
கொலையும் செய்வாள் பத்தினி !

மக்களாட்சி

தனக்குப் பின் நாடாள
பதவிகளைப் பக்குவமாய்ப்
பகிர்ந்து அளிக்கிறார் முதல்வர்
தான் பெற்ற மக்களுக்கு....!

அமெரிக்காவுக்கும் நமக்கும் ஆகாது !
உண்மை தான்
எங்கள் காதல்களுக்குக் கூட
வில்லன்களாய் வருகிறார்கள்
அமெரிக்க return மாப்பிள்ளைகள்

அரசியற் போரது நீளும் !
பேராயுதம் போலுனைச் சூழும்!
பேரினவாதம் வீழும்!- உன்
ஆணவம் மண்ணடி மாளும்! தமிழர்தம் உரிமைகள் மீளும்!
தமிழினம் தமிழீழம் ஆளும்!

ஓடி விளையாடு பாப்பா
உரக்கப் படித்தது
போலியோ குழந்தை!